शिक्षक गरिमा शिबिर

शिक्षक गरिमा शिबिर 

आज दिनांक २२/०७/२०१८वार रविवार रोजी शिरपूर शहरातील अग्रसेन भवन येथे ‘शिक्षक गरिमा शिबिराचे’ आयोजन आर. सी. पटेल शैक्षणिक संकुल शिरपूर व गायत्री परिवार शिरपूर यांच्या संयुक्त विद्यमाने आयोजित करण्यात आले.  या शिक्षक गरिमा शिबिरात संस्थेतील शिक्षकांना मार्गदर्शन करण्यासाठी हरिद्वार येथील शांतीकुंज चे प्रतिनिधी श्री. डॉ. अशोकजी ढोके, शिरपूर एज्युकेशन सोसायटीचे अध्यक्ष राजगोपालजी भंडारी, अनिल भाऊ अग्रवाल, कमल भाऊ भंडारी शिंदे काका इत्यादी मान्यवर उपस्थित होते. यावेळी अशोकचे डोके यांनी भारतातील गुरूंच्या परंपरेचे पालन आपण करावे व नव्या युगाचा भारत घडवावा अशी अपेक्षा व्यक्त केली. भारतातील प्रसिद्ध गुरु-शिष्य यांची उदारणे देऊन शिक्षकांना समाजात मानाचे स्थान कसे आहे ते पटवून दिले. या संस्थेमार्फत ‘भारतीय संस्कृती’ या परीक्षेत जास्तीत जास्त विद्यार्थ्यांना बसवण्याचे आवाहन श्री अशोकजी ढोके यांनी शिक्षकांना केले. या वेळी संस्थेतील शिक्षक मोठ्या संख्येने उपस्थित होते.

"आषाढी एकादशी दिंडी व पालखी सोहळा’’

Saturday Activity

आर. सी. पटेल मराठी प्राथमिक शाळा शिरपूर या शाळेत आज दिनांक २१/०७/२०१८ वार शनिवार रोजी Saturday Activity  अंतर्गत ‘आषाढी एकादशी’च्या निमित्ताने ‘दिंडी व पालखी सोहळ्याचे’ आयोजन करण्यात आले. यावेळी इयत्ता बालवाडी वर्गातील चिमुकल्यांनी वारकऱयांच्या वेशात शालेय परिसरात टाळ वाजवून विठ्ठलाचे नामस्मरण करत दिंडी काढली. विठ्ठलाच्या भक्तीमय वातावरणामध्ये विद्यार्थी मंत्रमुग्ध होऊन गेले होते व विठ्ठलाचे नामस्मरण मोठ्या आनंदाने एका तालासुरात करत होते.  विठ्ठलाच्या दिंडी सोबतच वृक्षदिंडी व ग्रंथदिंडी यांचेही आयोजन करण्यात आले. वृक्ष संवर्धनाबाबत जागरूकता निर्माण होण्यासाठी विविध प्रकारच्या वृक्षा संदर्भातल्या घोषणा विद्यार्थ्यांकडून वदवून घेण्यात आल्या व गणेश कॉलनी परिसरातील रॅलीत विद्यार्थ्यांनी या घोषणा देऊन परिसर दुमदुमून सोडला. शालेय आवारात विद्यार्थ्यांकडून लहान रोपांची लागवड करण्यात आली.

x

शालेय क्रीडा स्पर्धा

Saturday Activity

आर. सी. पटेल मराठी प्राथमिक शाळा शिरपूर या शाळेत दिनांक १४/०७/२०१८ वार शनिवार रोजी  Saturday Activity  अंतर्गत शालेय क्रीडा स्पर्धेचे आयोजन करण्यात आले. या क्रीडा स्पर्धेमध्ये इयत्ता पहिली व दुसरी आणि इयत्ता तिसरी व चौथी असे दोन गट  करण्यात येऊन विविध प्रकारच्या स्पर्धा घेण्यात आल्या. यात लहान गटासाठी लिंबू चमचा शर्यत, बादलीत चेंडू टाकणे, तीन पायांची शर्यत व मोठय़ा गटासाठी दोरीउड्या, गोणपाट शर्यत, शंभर मीटर धावणे या प्रकारच्या स्पर्धा घेतल्या गेल्या. प्रत्येक क्रीडा प्रकारातून मुले मुली अशा गटातून उत्कृष्ट खेळ खेळणारे खेळाडू निवडण्यात आले. या क्रीडा स्पर्धेचे आयोजन करण्यासाठी शाळेचे क्रीडा शिक्षक श्री सुभाष भिल यांचे वर्ग शिक्षकांना मोलाचे सहकार्य लाभले.

x

शाळा परिवहन समिती बैठक

शाळा परिवहन समिती 

योगासन प्रात्यक्षिक

योगासन प्रात्यक्षिकअार. सी. पटेल मराठी प्राथमिक शाळा शिरपूर या शाळेत आज दिनांक ०६/०७/२०१७ वार शुक्रवार रोजी शाळेच्या प्रशस्त प्रांगणामध्ये इयत्ता चौथीच्या विद्यार्थ्याचे योगासन प्रात्यक्षिक घेण्यात आले. योगासन वर्गाची सुरुवात मंत्रपठणाने करण्यात आली. विविध प्रकारच्या योगासनांचे प्रकार विद्यार्थ्यांकडून करून घेण्यात आले. ताडासन,  वृक्षासन, पादहस्तासन, अर्धचक्रासन, त्रिकोणासन, दंडासन, भद्रासन, वज्रासन, अर्धउष्ट्रासन, उष्ट्रासन, शशांकासन, उत्तानमंडूकासन, वक्रासन, मकरासन, भुजंगासन, शलभासन, सेतूबांधासन, उत्तानपादासन, अर्धहलासन, पवनमुक्तासन, शवासन, कपालभाती, नाडीशोधन, शीतली प्राणायाम, भ्रामरी प्राणायम व ध्यान या विविध आसनांचे प्रात्यक्षिक व सराव विद्यार्थ्यांकडून करून घेण्यात आले. विद्यार्थ्यांना यावेळी वैयक्तिक मार्गदर्शन करण्यात आले. विद्यार्थ्यांना योग्य प्रशिक्षण देण्याचे काम शाळेतील ज्येष्ठ शिक्षक श्री. जगदीश सोलंकी सर यांनी पार पाडले. योगासन वर्गामध्ये इयत्ता चौथीमधील सुमारे दोनशे विद्यार्थ्यांनी सहभाग घेतला. योगासन वर्गाच्या यशस्वीतेसाठी वर्गशिक्षक व मुख्याध्यापक यांनी विशेष परिश्रम घेतले.

गणित संबोध कार्यशाळा

गणित संबोध कार्यशाळा

आर. सी. पटेल मराठी प्राथमिक शाळा शिरपूर या शाळेत आज दिनांक १८/०७/२०१८ वार बुधवार रोजी इयत्ता चौथी वर्गासाठी ‘गणित संबोध कार्यशाळेचे’ आयोजन करण्यात आले. या कार्यशाळेसाठी अमळनेर येथील प्राध्यापक श्री संजय न्हायदे यांनी गणित विषयातील विविध रंजक बाबी विद्यार्थ्यांना सोप्या शब्दात समजावून सांगितल्या. गणित या विषयाला आपला मित्र बनवा, गणित या विषयातील युक्त्या वापरल्या तर हा विषय अतिशय सोपा ठरतो. गणितातील बेरीज वजाबाकी गुणाकार भागाकार या क्रिया जलद गतीने कशा प्रकारे करता येतात यांची उदाहरणे विद्यार्थ्यांकडून सोडवून घेण्यात आली. विद्यार्थ्यांना कॅलेंडरमधील गमती जमती रंजक पद्धतीने सांगितल्या गेल्या. भौमितिक आकृत्यांची मोजणी सहजपणे व अचूक कशी करता येते ते सांगण्यात आले. या कार्यशाळेचे आयोजन करण्यासाठी शाळेचे मुख्याध्यापक व शिक्षकवृंद यांनी विशेष परिश्रम घेतले.

आंतरराष्ट्रीय योग दिवस

आंतरराष्ट्रीय योग दिवस

आर. सी. पटेल मराठी प्राथमिक शाळा शिरपूर या शाळेत आज दिनांक २१/०६/२०१८ वार रोजी आंतरराष्ट्रीय योग दिनाचे आयोजन करण्यात आले.

आर. सी. पटेल फार्मसी कॉलेज करवंद नाका शिरपूर येथील मैदानावर इयत्ता तिसरी व इयत्ता  चौथी या वर्गातील विद्यार्थ्यांना सकाळी सहा वाजता नेण्यात आले. येथील प्रशस्त मैदानावर शिरपूर शहरातील सर्व शाळांचे विद्यार्थी योगासन वर्गासाठी हजर होते. शिरपूर शहरातील योग विद्या धामचे योग गुरू तसेच विविध शाखांमधील योग शिक्षक यांच्या मार्गदर्शनाखाली विद्यार्थ्यांकडून विविध प्रकारच्या योगासनांचे प्रात्यक्षिक व सराव करून घेण्यात आला. अतिशय शिस्तबद्ध रीतीने हा योगासन वर्ग आयोजित करण्यात आला होता. विद्यार्थी योगासन करताना मंत्रमुग्ध होऊन गेले होते. योगासन वर्गाच्या शेवटी विद्यार्थ्यांकडून नियमितपणे योगा करण्याची शपथ वदवून घेण्यात आली. आंतरराष्ट्रीय योग दिनाचे औचित्य साधून आर. सी. पटेल संकुलातील सर्व शाळांना एकत्रितपणे योगासन साजरे करण्यासाठी शाळेतील मुख्याध्यापक व शिक्षक यांनी विशेष परिश्रम घेतले.

पालक शिक्षक सहविचारसभा

पालक शिक्षक सहविचारसभा 

आर. सी. पटेल मराठी प्राथमिक शाळा शिरपूर या शाळेत दिनांक १०/०७/२०१८ वार मंगळवार व दिनांक ११/०७/२०१८ वार बुधवार रोजी अनुक्रमे इयत्ता १ ली ते इयत्ता ४ थी वर्गांच्या पालक सहविचार सभा घेण्यात आल्या. या सहविचार सभेत खालील बाबींचा समावेश होता.

१. शालेय शिस्त. 

२. गणवेश बाबत सजक असणे.

३. विद्यार्थ्याच्या अभ्यासाबाबत जागरूक असणे. 

४. विद्यार्थ्याची डायरी नियमितपणे पाहणे. 

५. विद्यार्थ्याच्या डायरीत अभ्यास केल्यावरच सही करणे. 

६. विद्यार्थ्यास शाळेत नियमित पाठवणे. 

७. दर रविवारी online Test विद्यार्थ्याकडून सोडवून घेणे. 

८. वर्गशिक्षकाशी शाळेत भेटण्याची वेळ शनिवारी सकाळी ९:३० ते १०:३०

९. Whats app ग्रुपच्या माध्यमातून सतत संपर्कात राहणे. 

कार्यानुभव

कार्यानुभव प्रात्यक्षिक 

आर. सी. पटेल मराठी प्राथमिक शाळा शिरपूर या शाळेत दिनांक ०९/०७/२०१८ वार सोमवार रोजी कार्यानुभव या विषयाअंतर्गत कागदाकाम प्रात्यक्षिक आयोजित करण्यात आले. घोटीव कागदापासून तसेच क्राफ्ट पेपर पासून कागदाच्या विविध वस्तू कशा तयार कराव्यात या बाबत शाळेतील विद्यार्थ्यांना जोधपूर राजस्थान येथून आलेले श्री. दयालचंद्र राव यांनी मार्गदर्शन केले. यावेळी त्यांनी विद्यार्थ्यांकडून कागदापासून विविध वस्तू तयार करून घेतल्या. श्री. दयालचंद्र राव यांनी कागदापासून गुलाबपुष्प तयार करून शाळेचे मुख्याध्यापक श्री. सी. डी. पाटील सर यांचे स्वागत केले. व शाळेस कार्यानुभव विषयाचे पुस्तक सदिच्छा भेट म्हणून दिले. 

शाळेची 'सुरेल' सुरुवात

सुरेल सुरुवात 

आर. सी. पटेल मराठी प्राथमिक शाळा शिरपूर या शाळेत दिनांक १५/०६/२०१८ वार शुक्रवार रोजी शाळा शुभारंभ 

नवागतांचे स्वागत व पुस्तक दिन 

म्हणून साजरा करण्यात आला. शाळेत आलेल्या नावागतांचे शालेय प्रांगणात पारंपारिक पद्धतीने शहनाईच्या मंगल स्वरांनी कुंकुमतिलक लावून मोठ्या आनंदात स्वागत करण्यात आले. शाळेतील  १५/०६/२०१८ रोजी वाढदिवस असणा-या विद्यार्थ्यांचा वाढदिवस साजरा करून शुभेच्या देण्यात आल्या. तसेच शाळेतील शिक्षकांनी आपल्या वाढदिवसानिमित्ताने शाळेच्या ग्रंथालयास पुस्तक भेटी दिल्या. विद्यार्थ्यांना प्रथम दिवसी शासनाकडून मिळणा-या पाठ्यपुस्तकांचे वाटप करण्यात आले. या कार्यक्रमाचे प्रास्ताविक श्री. गजेन्द्र जाधव सर व आभार प्रदर्शन श्री. गोपाल न्हावी सर यांनी मानले. 

वर्कशीट कार्यशाळा

 शिरपूर एज्युकेशन सोसायटी संचलित प्राथमिक व पूर्व प्राथमिक शिक्षकांसाठी संस्थेने वर्कशीट कार्यशाळेचे दिनांक २४/०२/२०१८ वार शनिवार रोजी आयोजन केला गेला. कार्यशाळेप्रसंगी  प्राचार्य ज्युलि थॉमस,मुख्याध्यापक गणेश साळुंके, महेंद्र परदेशी, रवींद्र खोंडे,आर.टी. भोई, बी.आर.महाजन,के.टी.जाधव, बी.बी.सोनवणे, पी.डी.कुलकर्णी, बी.एम.माळी,मनोज पाटील, गोपाल पाटील, सी.डी.पाटील, स्मिता पंचभाई, एलिजाबेथ जानवे आदी उपस्थित होते. कार्यशाळेचे प्रास्ताविक सी.डी.पाटील यांनी केले. गणेश साळुंके, महेंद्र परदेशी, बी.एम.माळी यांनी विविध विषयांवर शिक्षकांना मार्गदर्शन केले. प्राचार्य ज्युलि थॉमस यांनी वर्कशीट बाबत विशेष मार्गदर्शन केले.यात वर्कशीट म्हणजे काय? प्राथमिक स्तरावर त्याची गरज काय याबाबत सविस्तर माहिती शिक्षकांना दिली. विविध विषयांचे वर्कशीट कसे तयार करावेत याचे प्रात्यक्षिक करून दाखवले.संस्थेचे अध्यक्ष आमदार अमरिशभाई पटेल, कार्याध्यक्ष भुपेशभाई पटेल,नगराध्यक्ष जयश्रीबेन पटेल, उपाध्यक्ष राजगोपाल भंडारी, मुख्यकार्यकारी अधिकारी डॉ. उमेश शर्मा यांच्या मार्गदर्शनाखाली प्राथमिक विभागासाठी नेहमीच विविध उपक्रमांचे आयोजन करण्यात येते. त्यातील वर्कशीट अर्थातच स्वतंत्र विषयवार स्वाध्याय पुस्तक असण्याबद्दल मुख्यकार्यकारी अधिकारी डॉ. उमेश शर्मा यांनी शिक्षकांना महत्त्व समजावून सांगितले. शिक्षकांनी स्व निर्मितीवर भर द्यावा असही डॉ.शर्मा यांनी मनोगतात व्यक्त केले. कार्यशाळेत प्राथमिक व पूर्व प्राथमिक विभागाचे ऐंशी शिक्षकांचा सहभाग होता.कार्यक्रमाचे सूत्रसंचालन अविनाश राजपूत यांनी केले. आभार जगदीश धनगर यांनी मानले.