शालेय पोषण आहार - सेंट्रल किचन आढावा

शालेय पोषण आहार योजनेअंतर्गत सेंट्रल किचन आढावा बैठकीचे आयोजन.

शिरपूर येथील आर.सी.पटेल मराठी प्राथमिक शाळा शिरपूर, येथे पंचायत समितीच्या माध्यमातून शहरातील सेंट्रल किचन लाभार्थी शाळांची आढावा बैठक आयोजित करण्यात आली होती.

सभेप्रसंगी शिक्षण विस्तार अधिकारी तथा अधीक्षक शालेय पोषण आहार योजना पंचायत समिती शिरपूर पी.झेड.रणदिवे, साधनव्यक्ती मनोहर वाघ,आकाश देडे,प्राचार्य पी.व्ही.पाटील, मुख्याध्यापक गणेश साळुंके,विद्यालयाचे मुख्याध्यापक सी.डी.पाटील यांच्यासह विविध शाखांचे मुख्याध्यापक,अरिहंत गृह उद्योग व नंद नमकीन, चिराई देवी बचत गटांचे संचालक आदी उपस्थित होते.

आढावा बैठकीत शहरातील सदतीस सेंट्रल किचन लाभार्थी शाळांच्या मुख्याध्यापकांना पी.झेड.रणदिवे यांनी मार्गदर्शन केले.

मार्गदर्शनात शहरातील सदतीस शाळांना सेंट्रल किचनच्या माध्यमातून पोषण आहार पुरवठा जुलै महिन्यापासून करण्यात येत आहे.या पद्धतीने पोषण आहाराचा दर्जा उत्तम राखला जात असल्याचे त्यांनी सांगितले.

सेंट्रल किचन राबवणारी राज्यातील दुसरी नगरपालिका असल्याचे सभेप्रसंगी नमुद करण्यात आले.

शासनाच्या निर्देशानुसार प्रत्येक विद्यार्थ्याला पोषण आहार व पूरक आहार देण्यात यावा.

असे आपल्या मार्गदर्शनातून स्पष्ट केले.

साधन व्यक्ती मनोहर वाघ यांनी शालेय पोषण आहार दप्तर नेहमीच अद्ययावत असावे.तांदूळ मागणी गरजेनुसार करण्यात यावी.पोषण आहार नमुना दररोज दोन स्वतंत्र डब्यात काढण्यात यावा. याबद्दल मार्गदर्शन केले.

मुख्याध्यापकांच्या वतीने आदर्श शाळा मुख्याध्यापिका वंदना रघुवंशी,आदर्श शिक्षक हरीलाल जुलवाणी,महेंद्र भिकन माळी या शिक्षकांचा गौरव पी.झेड.रणदिवे यांच्याहस्ते करण्यात आला.

सूत्रसंचालन महेंद्र माळी यांनी केले.

आभार गजेंद्र जाधव यांनी मानले.

सभा यशस्वीतेसाठी संदीप पाटील, सागर पवार यशोदा पाटील यांनी परिश्रम घेतले.

मतदान जनजागृती रॅलीचे यशस्वी आयोजन

मतदान जनजागृती रॅलीचे यशस्वी आयोजन

शिरपूर येथील आर.सी.पटेल मराठी प्राथमिक शाळेत मतदान जनजागृती रॅलीचे आयोजन करण्यात आले. रॅली उद्घाटन प्रसंगी  विद्यालयाचे मुख्याध्यापक सी.डी.पाटील,गजेंद्र जाधव, संदीप चौधरी, गोपाल न्हावी,जगदीश धनगर, तुळशिराम पावरा आदी उपस्थित होते.

शासन आदेशानुसार  नागरिकांना मतदानाबाबत जागरूक करून मतदानाचा टक्का वाढावा यासाठी विविध शालेय कार्यक्रमांचे आयोजन करण्यात येणार आहे यात मतदान जनजागृती रॅली,एक पत्र मतदानासाठी, पालक मेळावा, पथनाट्य,निबंध व वक्तृत्व स्पर्धा आयोजित केल्या जाणार आहेत. विधानसभा सार्वत्रिक निवडणुकीत मतदानाचा टक्का वाढविण्यासाठी शाळेने सुभाष कॉलनी, आदर्शनगर,गायत्री मंदिर,पोस्ट ऑफिस परिसरात मतदान जनजागृती रॅलीचे आयोजन केले.

मतदान करणे आपला हक्क असून लोकशाही मजबुतीसाठी नागरिकांना आपले कर्तव्य पार पाडण्याचे आवाहन इयत्ता चौथी वर्गातील विद्यार्थ्यांनी रॅलीच्या माध्यमातून केले. परिसरात विद्यार्थ्यांनी जोरदार घोषणा देऊन नागरिकांचे लक्ष वेधून घेतले. रॅली यशस्वीतेसाठी जगदीश सोलंकी,महेंद्र माळी,संदीप पाटील, सागर पवार यांनी परिश्रम घेतले.

तालुकास्तरीय इंग्रजी वक्तृत्व स्पर्धा निकाल

शिरपूर शहरातील  आर.सी.पटेल मराठी प्राथमिक शाळेत  आ. अमरिशभाई पटेल यांच्या वाढदिवसानिमित्त तालुकास्तरीय इंग्रजी वक्तृत्व स्पर्धा घेण्यात आली.ह्या  स्पर्धा दरवर्षी आयोजन करण्यात येते.  तालुक्यातील प्राथमिक शाळेतील पहिली ते चौथी च्या विद्यार्थ्यांसाठी ही स्पर्धा घेण्यात आली.यात जिल्हा परिषद, नगरपालिका, खाजगी प्राथमिक, आश्रम शाळा, इंग्रजी माध्यमाच्या शाळांसोबतच सीबीएसई स्कुल अशा अठ्ठेचाळीस शाळेतील ३७५  विद्यार्थ्यांना  सहभाग घेतला. 

   प्राथमिक विभागासाठी स्पर्धा आयोजित असून स्पर्धा नऊ गटातून संपन्न झाली.

यासाठी माध्यमिक शाळांमधील तीस इंग्रजी विषय शिक्षकांची स्पर्धा परीक्षकांची जबाबदारी पार पाडली.

     प्राथमिक स्तरावर विद्यार्थ्यांना इंग्रजी विषयाची गोडी निर्माण व्हावी म्हणून हा उपक्रम दरवर्षी राबविण्यात येत आहे.तालुक्यातील विविध शाळांमधून चांगला  प्रतिसाद मिळत असतो.ग्रामीण तसेच शहरी भागातील विद्यार्थ्यांना इंग्रजी वक्तृत्वासाठी संस्थेने व्यासपीठ उपलब्ध करून दिले  आहे.

   तालुकास्तरीय इंग्रजी वक्तृत्व स्पर्धा नगराध्यक्षा जयश्रीबेन पटेल, कार्याध्यक्ष भुपेशभाई पटेल,उपाध्यक्ष राजगोपाल भंडारी,नगरसेवक तपनभाई पटेल यांच्या प्रेरणेने व संस्थेचे मुख्यकार्यकारी अधिकारी डॉ. उमेश शर्मा यांच्या मार्गदर्शनाखाली संपन्न होत असते.

    

कार्यक्रम प्रसंगी संस्थेचे उपाध्यक्ष राजगोपाल भंडारी,संचालक कमलकिशोर भंडारी, नगरसेविका संगिता देवरे,शिक्षण विस्तार अधिकारी जी.पी.कुमावत,केंद्रप्रमुख अनिल बाविस्कर,मुख्यकार्यकारी अधिकारी डॉ.उमेश शर्मा,शालेय व्यवस्थापन समिती अध्यक्ष संजय वरसाळे, प्राचार्य पी.व्ही.पाटील,प्राचार्य आर.बी.पाटील, मुख्याध्यापक गणेश साळुंखे,महेंद्र परदेशी,आर.टी. भोई, गोपाल पाटील,सय्यद इफ्तेखार,रवींद्र खोंडे विद्यालयाचे मुख्याध्यापक सी.डी.पाटील आदी उपस्थित होते.     कार्यक्रमात राजेश्वरी डिगराळे  व फाल्गुनी चौधरी  या विद्यार्थ्यांचा  वाढदिवस साजरा करण्यात आला.

 बक्षीस मिळविणारे विद्यार्थी व शाळा 

*शहरी विभाग लहान गट (इ. पहिली व दुसरी)

प्रथम-  जान्हवी दिलबर बेहेरे , एच आर पटेल कन्या प्राथमिक 

द्वितीय-  गायत्री कैलास सोनवणे ,एच आर पटेल कन्या प्राथमिक 

तृतीय  दर्शील शिवराज बाविस्कर   आर सी पटेल मराठी प्राथमिक शाळा 

उत्तेजनार्थ चैतन्य हरिष बेहरे आर सी पटेल प्राथमिक शाळा  

*शहरी विभाग मोठा गट (इ. तिसरी व चौथी)*

प्रथम ऋतुजा दीपक चौधरी  आर सी पटेल मराठी प्राथमिक शाळा 

द्वितीय  प्रांजल अमोल सोनवणे आर सी पटेल मराठी प्राथमिक शाळा 

तृतीय हेमांगी राजेंद्र गिरासे  आर सी पटेल हुडको वाल्मिकनगर  

उत्तेजनार्थ अनुज सुनील शिरसाठ  आर सी पटेल प्राथमिक शाळा 

*ग्रामीण विभाग लहान गट (इयत्ता पहिली व दुसरी*)

प्रथम खाटीक आझमीना अरिफ खाटीक  जिल्हा परिषद प्राथमिक शाळा होळ.

 द्वितीय भावेश रवींद्र गुजर आर सी पटेल प्राथमिक शाळा खर्दे 

तृतीय दिवेश विठोबा माळी   अार सी पटेल प्राथमिक शाळा खर्दे  

उत्तेजनार्थ  देवराज शरद पाटील आर सी पटेल प्राथमिक शाळा खर्दे  

*ग्रामीण विभाग मोठा गट (इयत्ता तिसरी व चौथी)*

प्रथम  जान्हवी भैया पाटील जिल्हा परिषद प्राथमिक शाळा तऱ्हाडी.

द्वितीय आयुश्री ईश्वर धनगर  आर सी पटेल प्राथमिक शाळा भोरखेडा 

तृतीय बंजारा प्रदीप सुखराम बंजारा  जिल्हा परिषद प्राथमिक शाळा बभळाज 

उत्तेजनार्थ हर्षदा महेंद्रसिंग राजपूत  आर.सी पटेल प्राथमिक शाळा खर्दे 

*आश्रमशाळा लहान गट (पहिली व दुसरी)*

प्रथम राधिका रेपला पावरा  आर.सी पटेल आश्रमशाळा निमझरी 

द्वितीय  रणजीला सुरसिंग पावरा  आर.सी पटेल आश्रमशाळा वाघाडी 

तृतीय पवन सुरेश पावरा  आर.सी.पटेल आश्रमशाळा निमझरी 

उत्तेजनार्थ निकेश लालसिंग पावरा  आर.सी पटेल आश्रमशाळा शिरपूर 

*आश्रमशाळा मोठा गट (तिसरी व चौथी)*

प्रथम खुशी सुनील पावरा  आर.सी पटेल आश्रम शाळा वाघाडी 

द्वितीय अंकुश मका पावरा आर.सी पटेल आश्रमशाळा असली 

तृतीय  हिमेश दिनेश पावरा आर.सी पटेल आश्रमशाळा असली 

उत्तेजनार्थ रोहित बाबुलाल पावरा  आर.सी पटेल आश्रमशाळा वाघाडी 

*इंग्रजी माध्यम लहान गट (पहिली व दुसरी)* 

प्रथम मनस्वी शर्मा इंटरनेशनल स्कूल दहिवद 

द्वितीय  अद्विता रवींद्र पाटील   ए. आर पटेल सीबीएससी स्कूल 

तृतीय  देवांश हितेंद्र देसले  ए .अार पटेल सीबीएसी स्कूल 

उत्तेजनार्थ  स्वरा राजू पाटील केव्हीटीआर सीबीएससी स्कूल 

*इंग्रजी माध्यम मोठा गट (तिसरी व चौथी)*

प्रथम दिक्षिता राहुल साळुंखे ए आर पटेल सीबीएससी स्कूल  

द्वितीय अक्षरा मनोज कुलकर्णी एम आर पटेल इंग्लिश मिडियम स्कूल 

तृतीय  अर्णव नितीन पाटील  आर सी पटेल इंग्लिश मेडियम स्कूल 

उत्तेजनार्थ तन्मय नरेश देवरे एम आर पटेल इंग्लिश मिडियम स्कूल 

*खुला गट (पहिली ते चौथी)* 

प्रथम  हुनर महेश डेंबरानी ए आर पटेल सीबीएससी स्कूल 

द्वितीय जान्हवी कैलास सोनवणे  एच आर पटेल कन्या प्राथमिक शाळा  

तृतीय  हंसिका प्रमोद भोपे व श्रावणी कमलाकर पाटीलए आर पटेल सीबीएससी स्कूल 

उत्तेजनार्थ संस्कृती किरण पाटील आर.सी पटेल इंग्लिश मिडियम स्कूल

तालुकास्तरीय इंग्रजी वक्तृत्व स्पर्धा

दि १४ सप्टेंबर रोजी मा. आ.श्री अमरिशभाई पटेल यांच्या वाढदिवसानिमित्त तालुकास्तरीय इंग्रजी वक्तृत्व स्पर्धेचे आयोजन.

शिरपूर येथील आर.सी.पटेल मराठी प्राथमिक शाळेत 

दि १४ सप्टेंबर वार:शनिवार रोजी सकाळी नऊ वाजता मेंनबिल्डींग येथील नवीन ईमारतीच्य हॉलमध्ये मा. आ.श्री अमरिशभाई पटेल यांच्या वाढदिवसानिमित्त तालुकास्तरीय इंग्रजी वक्तृत्व स्पर्धा संपन्न होणार आहे.

दरवर्षी तालुकास्तरीय स्पर्धेचे यशस्वी आयोजन करण्यात येत असून यात तालुक्यातील जिल्हा परिषद, नगरपालिका, खाजगी प्राथमिक, आश्रम शाळा, इंग्रजी माध्यमाच्या शाळांसोबतच सी.बी.एस.ई.शाळेतील विद्यार्थी सहभागी होतात. प्राथमिक विभागासाठी स्पर्धा आयोजित असून स्पर्धा नऊ गटातून संपन्न होत असते. शिरपूर एज्युकेशन सोसायटीच्या माध्यमिक शाळांमधील पस्तीस इंग्रजी विषय शिक्षकांची स्पर्धा परीक्षणसाठी मदत होणार आहे. प्राथमिक स्तरावर विद्यार्थ्यांना इंग्रजी विषयाची गोडी निर्माण व्हावी म्हणून हा उपक्रम दरवर्षी राबविण्यात येत आहे.तालुक्यातील विविध शाळांमधून प्रचंड प्रतिसाद मिळत असतो. तालुकास्तरीय इंग्रजी वक्तृत्व स्पर्धा नगराध्यक्षा जयश्रीबेन पटेल, कार्याध्यक्ष भुपेशभाई पटेल,उपाध्यक्ष राजगोपाल भंडारी,नगरसेवक तपनभाई पटेल यांच्या प्रेरणेने व संस्थेचे मुख्यकार्यकारी अधिकारी डॉ. उमेश शर्मा यांच्या मार्गदर्शनाखाली संपन्न होत असते. ग्रामीण तसेच शहरी भागातील विद्यार्थ्यांना इंग्रजी वक्तृत्वासाठी संस्थेने मोठे व्यासपीठ उपलब्ध करून दिले असल्याने विद्यार्थ्यांसह पालकांनी सदर स्पर्धा प्रसंगी उपस्थित राहण्याचे आवाहन मुख्याध्यापक सी.डी.पाटील यांनी केले आहे.

महाराष्ट्र प्रदूषण नियंत्रण मंडळाकडून कापडी पिशव्यांचे वाटप

महाराष्ट्र प्रदूषण नियंत्रण मंडळाकडून कापडी पिशव्यांचे वाटप

शिरपूर येथील आर.सी.पटेल मराठी प्राथमिक शाळा शिरपूर 

येथे महाराष्ट्र प्रदूषण नियंत्रण मंडळ यांच्या वतीने कापडी पिशव्यांचे वाटप करण्यात आले. शाळेतील इयत्ता पहिली ते चौथी वर्गात शिकणाऱ्या आठशे विद्यार्थ्यांना प्लास्टिक बंदीचे महत्त्व पटवून देण्यात आले व आपल्या घरापासून प्लास्टिक बंदी व्हावी म्हणून महाराष्ट्र प्रदूषण नियंत्रण मंडळ व पर्यावरण विभाग महाराष्ट्र शासनाच्या माध्यमातून प्रेरणा लोक संचलित साधन केंद्र शिरपूर यांच्या मार्फत  कापडी पिशव्या विद्यार्थ्यांना देण्यात आल्या. कापडी  पिशव्यांचा वापर करून प्लास्टिकला हद्दपार करुया आणि महाराष्ट्र निरोगी करण्यास हातभार लावण्याचे आवाहन नीता बाविस्कर यांनी केले. शाळेतील आठशे विद्यार्थ्यांना कापडी पिशव्यांचे वाटप करण्यात आले. विद्यार्थ्यांना बालवयातच प्लास्टिक वापराचे दुष्परिणाम लक्षात यावेत.नेहमीच कापडी पिशवी वापराचा आग्रह धरला जावा या हेतूने सदर पिशव्यांचे वाटप करण्यात आले.

       प्रेरणा लोक संचलित साधन केन्द्र शिरपूर येथील पर्यवेक्षिका नीता बाविस्कर, समन्वयक चेतन भोई, मुख्याध्यापक सी.डी. पाटील, महेंद्र माळी, संदीप चौधरी, गोपाल न्हावी,अविनाश राजपूत आदी पिशव्यांचे वाटप प्रसंगी उपस्थित होते.  मुख्याध्यापक सी.डी.पाटील यांनी आपल्या मनोगतातून प्लास्टिकचे दुष्परिणाम समजावून सांगितले. शिरपूर वरवाडे नगर परिषदेने दिलेला शिरपूर स्वच्छतेचा वसा आपण सर्व  शिरपूरकर  पाळूया  व प्लास्टिक मुक्त शिरपूर करूया यासाठी राज्यशासनाचा हा अभिनव उपक्रम असल्याचे त्यांनी सांगितले.  कार्यक्रमाचे सूत्रसंचालन गजेंद्र जाधव यांनी केले. यशस्वीतेसाठी  शिक्षकेतर कर्मचारी संदीप पाटील, सागर पवार,यशोदा पाटील यांनी परिश्रम घेतले.

शिक्षक दिन

शिक्षक दिन

शिरपूर येथील आर.सी.पटेल मराठी प्राथमिक शाळा शिरपूर येथे डॉ. सर्वपल्ली राधाकृष्णन यांची जयंती शिक्षक दिन म्हणून साजरी करण्यात आली. कार्यक्रम प्रसंगी जीईओजीत कंपनीचे एरिया मॅनेजर माजी विद्यार्थी प्रशांत टोकशा, विद्यालयाचे  मुख्याध्यापक सी.डी. पाटील,जगदीश सोलंकी, रमेश शिरसाठ, उज्ज्वला पाटील, संदीप चौधरी, गोपाल न्हावी,अविनाश राजपूत,जगदीश धनगर,पुनम सूर्यवंशी आदी उपस्थित होते. शिक्षक दिनाचे औचित्य साधून इयत्ता तिसरी व चौथी वर्गातील विद्यार्थ्यांनी शिक्षकांची भूमिका पार पाडली. विद्यार्थ्यांना वेगवेगळ्या कार्यक्रमाच्या माध्यमातून सहभागाची संधी निर्माण करण्यासाठी शाळा व्यवस्थापन नेहमीच आग्रहाची भूमिका घेत असते. 

मुख्याध्यापकांची भूमिका कुश अभय जाधव याने साकारली.

माजी विद्यार्थी प्रशांत टोकशा यांनी आपल्या मनोगतातून शाळेच्या आठवणी जागृत केल्या. शिक्षक दिनी माझ्या हातून माझ्या गुरुजनांचा सत्कार होत असल्याने मी भारावून गेलो आहे.इतर विद्यार्थ्यांप्रमाणे समोर बसून कार्यक्रम पाहणारा मुलगा स्टेजवर बसून माझं बालपण आठवत असल्याचे मत त्याने व्यक्त केले. मुलांनी अभ्यासाबरोबर कला, क्रीडा व खेळाकडे लक्ष देण्याचे आवाहन त्यांनी केले.  मुख्याध्यापक सी.डी.पाटील यांनी आपल्या मनोगतातून शिक्षकाची विद्यार्थ्यांप्रती भूमिका काय असते, शिक्षक विद्यार्थ्यांना कशाप्रकारे संस्काराचे धडे देतात, शिक्षकांच्या वर्गातील प्रत्येक कृती विद्यार्थी हितासाठी असल्याचे मत त्यांनी व्यक्त केले.

कार्यक्रमाचे सूत्रसंचालन गजेंद्र जाधव यांनी केले.

कार्यक्रम यशस्वीतेसाठी महेंद्र माळी,योगेश बागुल, जितेंद्र करंके, तुळशीराम पावरा यांच्यासह शिक्षकेतर कर्मचारी संदीप पाटील, सागर पवार,यशोदा पाटील,सतिष पाटील यांनी परिश्रम घेतले.

श्रीकृष्ण जन्माष्टमी व गोपाळकाला

श्रीकृष्ण जन्माष्टमी व गोपाळकाला

शिरपूर येथील आर.सी.पटेल मराठी प्राथमिक शाळा शिरपूर येथे श्रीकृष्ण जन्माष्टमी व गोपाळकाला उत्साहात साजरी करण्यात आला.

कार्यक्रम प्रसंगी शालेय व्यवस्थापन समिती अध्यक्ष संजय वरसाळे,विद्यार्थी वाहतूक संघटनेचे अध्यक्ष दत्तू माळी,मुख्याध्यापक सी.डी. पाटील, गजेंद्र जाधव,महेंद्र माळी,संदीप चौधरी, गोपाल न्हावी,रमेश शिरसाठ,उज्ज्वला पाटील, आदी उपस्थित होते. विद्यालयातील उपशिक्षिका मोहिनी सोनवणे यांनी श्रीकृष्ण यांच्या जीवनातील विविध प्रसंगाचे वर्णन आपल्या मनोगतातून व्यक्त केले.श्रीकृष्ण जन्माष्टमी व गोपाळकाला बाबत विद्यार्थ्यांना माहिती सांगितली. विद्यालयातील इयत्ता बालवाडी  वर्गातील विद्यार्थ्यांसाठी श्रीकृष्ण व राधा या वेशभूषा स्पर्धेचे आयोजन करण्यात आले होते. कार्यक्रमाचे सूत्रसंचालन अविनाश राजपूत यांनी केले.

आभार जगदीश सोलंकी यांनी मानले. यशस्वीतेसाठी वंदना सोनवणे, बबिता काटोले,स्मिता साळुंखे, जगदीश धनगर, पूनम सूर्यवंशी,अर्चना जोशी, शुभांगी बाविस्कर, वैशाली बारी यांच्यासह शिक्षकेतर कर्मचारी संदीप पाटील, सागर पवार,यशोदा पाटील यांनी परिश्रम घेतले.

दप्तराचे ओझे आमची शाळा उपक्रम

दप्तराचे ओझे आमची शाळा उपक्रम

दप्तराचे ओझे कमी करण्यासाठी आम्ही खालील उपक्रम राबवतो.

• १) वेळापत्रक :- वेळापत्रकात जोडून तासिकांचे नियोजन केले जाते जेणेकरून कमी नोटबुक आणण्यास मदत होते.शिक्षक  वेळापत्रकाचे काटेकोरपणे पालन करतात
• २) ऑल इन वन नोटबुक :- वर्गकामासाठी सर्व विषयांची एक वही (रजिस्टर) केले जाते. यात विषयनिहाय भाग केले जातात. 
• गृहकामासाठी देखील सर्व विषयांसाठी एकच वही(रजिस्टर) केले जाते.
• वर्गकामाच्या वह्या वर्गातच ठेवण्याची व्यवस्था केली आहे.फक्त गृहकामासाठी असलेले रजिस्टर विद्यार्थी दररोज ने -आण करतात.
• ३) जून्या पुस्तकांचा सदुपयोग:- या उपक्रमात शासनाने दिलेली मोफत पाठयपुस्तके शैक्षणिक वर्षाच्या शेवटी वर्गशिक्षकांनी गोळा करायची असतात व सदर पुस्तके वर्गातच कायमस्वरूपी बाकावर ठेवण्यात येतात.वर्षाच्या सुरुवातीला शासनाने दिलेली मोफ़त पाठयपुस्तके विद्यार्थ्यांना घरी अभ्यासासाठी कायमस्वरूपी दिलेली असतात.पाठयपुस्तकांची दप्तरातून ने-आण करण्यात येत नाही.अशा प्रकारे जुन्या पुस्तकांचा वर्गात अभ्यासासाठी उपयोग केला जातो.
• ४) एक बाक एक पुस्तक: एका बाकावर एक जुन्या पुस्तकाची व्यवस्था वर्गशिक्षक करून देतात. बाकावरील दोन विद्यार्थी एका पुस्तकाचा अध्ययनासाठी वापर करतात. यातून शेअरिंग भावना वाढीस लागते. ही पुस्तके आपल्याला वर्षभर हाताळायची आहेत त्यासाठी विद्यार्थी काळजीपूर्वक पुस्तकांची हाताळणी करतात.
• ५) वाटर बॅग व टिफिन कमी वजनाचे वारण्याबाबत शाळा कायम आग्रही असते.
• पालकांना पालक संभामधून दप्तराचे ओझे याबाबत मार्गदर्शन केले जाते.
• वाटर बॅगमध्ये अर्धा लीटर पाणी येईल एवढीच वाटर बॅग विद्यार्थी वापरतात.
• पोषण आहार शाळेतून मिळत असल्याने रिकामा डबा विद्यार्थी घेवून येतात.
• ६) निबंध, प्रयोग वही, नकाशा वही शाळेतच ठेवण्याची व्यवस्था प्रत्येक वर्गात केलेली आहे.
• ७) हलक्या वजनाचे दप्तर बाजारातून विकत घेण्याबाबत पालकांना सूचना केल्या जातात.
• दप्तर किमान पाच ,सहा वर्षे टिकले पाहिजे हा गैरसमज पालकसभांमधून दूर केला जातो.
• ८) दप्तर नियंत्रण कमिटी: प्रत्येक इयत्तेचा वर्गशिक्षक या कमिटीचा सदस्य असून शाळेचे मुख्याध्यापक या कमिटीचे अध्यक्ष आहेत. कमिटीतील निवडक सदस्य वर्गांमध्ये जाऊन विद्यार्थ्यांच्या दप्तराचे वजन करतात व त्याबाबत पालकांना व शिक्षकांना मार्गदर्शन करतात. तशा नोंदी ठेवल्या जातात.
• ९) शाळेत वजन काट्याची व्यवस्था:-शासनाच्या आदेशानुसार मुलांच्या वजनाच्या दहा टक्के वजन दप्तराचे असावे या बाबत शाळा उपरोक्त बाबींचे आग्रह पूवर्क हाताळणी करते.
• दप्तर नियंत्रण कमिटी वजनकाट्याचा नियमित वापर करतात. यामुळे दप्तराचे वजन नियंत्रणात राहण्यास मदत होते.

       *मुख्याध्यापक*

*श्री सी.डी. पाटील*

*आर.सी.पटेल मराठी प्राथमिक शाळा, शिरपूर जि. धुळे.* 

*मोबा:९८८१०३३३४८*

राखी तयार करणे

राखी तयार करणे 

गीत गायन स्पर्धा

गीत गायन स्पर्धा 

मूल समजून घेतांना

मूल समजून घेतांना 

लोकमान्य टिळक पुण्यतिथी व लोककवी शाहीर आण्णाभाऊ साठे जयंती

 लोकमान्य टिळक पुण्यतिथी व लोककवी शाहीर आण्णाभाऊ साठे जयंती 

शिरपूर येथील आर.सी.पटेल मराठी प्राथमिक शाळा शिरपूर येथे लोकमान्य टिळक पुण्यतिथी व लोककवी आण्णाभाऊ साठे जयंती साजरी करण्यात आली.कार्यक्रम प्रसंगी पालक प्रतिनिधी प्रवीण माळी मुख्याध्यापक सी.डी. पाटील, गजेंद्र जाधव,जगदीश सोलंकी,रमेश शिरसाठ,उज्ज्वला पाटील,अविनाश राजपूत, तुळशीराम पावरा आदी उपस्थित होते. विद्यालयातील उपशिक्षक संदीप चौधरी यांनी लोकमान्य टिळक यांच्या जीवनातील विविध प्रसंगाचे वर्णन आपल्या मनोगतातून व्यक्त केले. विद्यालयातील इयत्ता बालवाडी ते चौथी वर्गातील विद्यार्थ्यांसाठी वक्तृत्व स्पर्धेचे आयोजन करण्यात आले होते. विद्यार्थ्यांनी मराठी, हिंदी,इंग्रजी आदी भाषेतून लोकमान्य टिळक व अण्णाभाऊ साठे यांचा जीवनप्रवास सांगितला. कार्यक्रमाचे सूत्रसंचालन जगदीश धनगर यांनी केले. आभार गोपाल न्हावी यांनी मानले. यशस्वीतेसाठी  शिक्षकेतर कर्मचारी संदीप पाटील, सागर पवार,यशोदा पाटील यांनी परिश्रम घेतले.

वक्तृत्व स्पर्धा निकाल:-

      इयत्ता  -बालवाडी

गुलाब - प्रथम-शिंपी सोहम अविनाश

       द्वितीय-पाटील अर्णव गोविंद

मोगरा - प्रथम-पवार जयदीप अधिकार

       द्वितीय-बोरसे जिविका प्रमोद

            ढिसले नैतिक अशोक

जास्वंद -प्रथम -सोनवणे कार्तिक अविनाश

       द्वितीय-मराठे धनंजय मनोज

            बडगुजर मयूर

चाफा - प्रथम-पावरा प्रतिक मुकेश

      द्वितीय-पाटील देवांश धनराज

           ठाकरे जिज्ञासा मुकेश

इयत्ता - पहिली

गुलाब - प्रथम-जोशी अर्णव लक्ष्मीकांत

       द्वितीय- बोरसे आकांक्षा कैलास

मोगरा -प्रथम-ठाकूर आदित्य पंकज

      द्वितीय-जाधव कार्तिकी प्रवीण सिंग

जास्वंद -प्रथम - सोनार कावेरी रजनीकांत

       द्वितीय-पाटील हितेशी नरेंद्र

चाफा - प्रथम-बोरसे जिग्नेश किशोर

       द्वितीय-पाटील घनश्याम प्रशांत

इयत्ता - दुसरी

गुलाब - प्रथम-सनेर उत्कर्ष राहुल

       द्वितीय- जाधव रश्मीता गजेंद्र

मोगरा -प्रथम -बेहरे चैतन्य हरिष

      द्वितीय-पाटील गौरव हंसराज

जास्वंद -प्रथम - बुवा मधुबाला यादव

      द्वितीय-पाटील दर्शन बाळकृष्ण

चाफा - प्रथम-पाटील मनिष दिनेश

      द्वितीय-जाधव प्रिया अरुण

      पाटील प्रियांशी समाधान

इयत्ता - तिसरी

गुलाब - प्रथम-सोनवणे प्रांजल अमोल

       द्वितीय- पाटील कौस्तुभ मनोज

मोगरा -प्रथम-शिरसाठ वैभव संदीप

      द्वितीय-गिरासे सार्थक पंकज

           पाटील नव्या गोपाल

जास्वंद -प्रथम -सोनवणे सिध्देश अविनाश

       द्वितीय-शिरसाठ अनुज सुनिल

            पाटील गौरव हेमंत

चाफा - प्रथम-पाटील प्रतिक गणेश

       द्वितीय-बोरसे चैतन्य प्रविण

            थोरात ज्ञानरत्न ज्ञानेश्वर

इयत्ता -चौथी

गुलाब - प्रथम-चौधरी देवेश संदीप

       द्वितीय- शुक्ल हेरंब अजय

मोगरा -प्रथम- पाटील नंदिनी मनोहर

      द्वितीय-बारी वेदांत राजेंद्र

जास्वंद -प्रथम - भोजने हिमांशू अरविंद

       द्वितीय-पाटील वैष्णव विजय

चाफा - प्रथम-पाटील निरंजन दिनेश

       द्वितीय-सोनार प्रथमेश संजय.

शालेय परिवहन समिती सहविचार सभा

शालेय परिवहन समिती सहविचार सभा

शिरपूर येथील आर. सी. पटेल मराठी प्राथमिक शाळा शिरपूर येथे

शालेय परिवहन समिती सहविचार सभेचे आयोजन करण्यात आले.

सभेप्रसंगी माजी नगरसेवक दिलीप बोरसे,विद्यार्थी वाहतूक संघटनेचे

अध्यक्ष दत्तू माळी, उपाध्यक्ष नितीन पाटील, विद्यालयाचे मुख्याध्यापक

सी. डी. पाटील आदी उपस्थित होते. विद्यालयातील उपशिक्षक अविनाश राजपूत

यांनी रिक्षा चालकांना मार्गदर्शक सूचनांचे पालन होणेबाबत आवाहन केले.

यात त्यांनी रिक्षेला सुरक्षा गार्ड बसविणे, साईड ग्लास दुरुस्ती, मर्यादित विद्यार्थी

संख्या, विद्यार्थी वाहतूक असा नामोल्लेख वाहनावर करण्यात यावा तसेच प्रत्येक

वाहनात मोबाईल नंबरसह विद्यार्थी यादी, प्रथमोपचार पेटी  याबाबत सविस्तर

मार्गदर्शन केले. मुख्याध्यापक सी. डी. पाटील यांनी आपल्या मनोगतात विद्यार्थी

विकासात रिक्षा चालकांचा देखील मोलाचा वाटा असल्याचे मत त्यांनी व्यक्त केले.

घर, शाळा, परिसर या संस्थाचे विद्यार्थी विकासासाठी मोलाचे योगदान असते.

त्याचबरोबर विद्यार्थी किमान एक तास रिक्षा चालकांच्या सहवासात राहतो.

त्याकरिता बऱ्याच गोष्टींचे निरीक्षण विद्यार्थी करीत असतो. रिक्षा चालकांनी

आपल्या मुलाप्रमाणे संस्काराचे धडे द्यावेत असे आवाहन मुख्याध्यापक यांनी केले.

विद्यार्थी वाहतूक संघटनेचे उपाध्यक्ष नितीन पाटील यांनी आपल्या मनोगतात

शाळेचे व पालकांचे नेहमीच सहकार्य लाभत असल्याचे सांगितले. कार्यक्रमाचे

सूत्रसंचालन गजेंद्र जाधव यांनी केले. आभार महेंद्र माळी यांनी मानले.

सभा यशस्वीतेसाठी रमेश शिरसाठ, संदीप चौधरी, जगदीश सोलंकी,

गोपाल न्हावी व शिक्षकेतर कर्मचारी संदीप पाटील, सागर पवार, सतिष पाटील,

यशोदा पाटील यांनी परिश्रम घेतले.

वर्ग सजावट स्पर्धा

वर्ग सजावट स्पर्धा 

कृतीयुक्त अध्यापन पध्दती प्रशिक्षण

शिक्षकांसाठी कृतीयुक्त अध्यापन पध्दती प्रशिक्षण वर्गाचे आयोजन.

शिरपूर एज्युकेशन सोसायटी व आर.सी.पटेल एज्युकेशनल ट्रस्ट संचलित प्राथमिक विभागाच्या विविध शाखेतील शिक्षकांसाठी कृतीयुक्त अध्यापन पध्दती याबाबत शनिवारी संस्थेच्या मेनबिल्डींग येथील नूतन इमारतीच्या सभागृहात प्रशिक्षण वर्गाचे आयोजन करण्यात आले होते. प्रशिक्षण वर्ग प्रसंगी संस्थेचे मुख्यकार्यकारी अधिकारी डॉ. उमेश शर्मा, कृतीयुक्त अध्यापन पध्दतीचे तज्ञ मार्गदर्शक विवेकानंद ठाकरे, एन.आर.कोळी, मुख्याध्यापक सी. डी. पाटील, गणेश साळुंके, मनोज पाटील, प्रदिप गहिवरे, रवींद्र खोंडे, बी. आर. महाजन, प्रदीप कुलकर्णी, रितेश कुलकर्णी, बापू सोनवणे, आर. टी. भोई, ईश्वर पाटील, सय्यद इफ्तेखार, आर. व्ही. सूर्यवंशी, क्राती जाधव, गोपाल पाटील, महेंद्रसिंह परदेशी आदी उपस्थित होते.

प्रशिक्षण वर्गात संस्थेतील  प्राथमिक विभागाच्या सतरा शाखांचे दिडशे शिक्षकांनी लाभ घेतला. शैक्षणिक वर्षात संस्थेतील शिक्षकांना विविध विषयांवर मार्गदर्शन केले जाणार आहे. संस्थेचे अध्यक्ष आ.अमरीशभाई पटेल, कार्याध्यक्ष भुपेशभाई पटेल,नगराध्यक्षा जयश्रीबेन पटेल, उपाध्यक्ष राजगोपाल भंडारी, नगरसेवक तपनभाई पटेल यांच्या प्रेरणेने संस्थेचे मुख्यकार्यकारी अधिकारी डॉ. उमेश शर्मा यांच्या मार्गदर्शनाखाली  वर्षभरात विविध प्रशिक्षण वर्गाचे आयोजन करण्यात येणार आहे. यात बाल मानसशास्त्र, शैक्षणिक मूल्यमापन, शालेय शिस्त,शैक्षणिक साहित्य निर्मिती, ई लर्निंग, गुणवत्तापूर्ण शिक्षण, सोप्या पद्धतीने गणित अध्यापन, व्यक्तिमत्त्व विकास, वर्कशीट नियोजन आदी विषयावर संस्थेतील शिक्षकांना तज्ञांकडून मार्गदर्शन होणार आहे. संस्थेने वर्षभराचे प्रशिक्षण कॅलेंडर तयार केले असून त्यानुसार कार्यवाही करणार असल्याचे संस्थचे मुख्यकार्यकारी अधिकारी डॉ. उमेश शर्मा यांनी आपल्या मनोगतातून शिक्षकांना सांगितले. अजून वेगळ्या विषयावर मार्गदर्शन हवे असल्यास शिक्षकांनी नमूद करावे तसे मार्गदर्शन वा प्रशिक्षण तज्ञांकडून करण्यास संस्था कटिबद्ध असल्याचे त्यांनी सांगितले. प्रशिक्षण यशस्वीतेसाठी उपशिक्षक महेंद्र माळी,योगेश बागुल, जगदीश धनगर, संदीप चौधरी, तुळशीराम पावरा यांनी परिश्रम घेतले. सूत्रसंचालन गजेंद्र जाधव यांनी केले.

शालेय स्पर्धा पूर्वतयारी

शालेय स्पर्धा पूर्वतयारी 

आज दिनांक 25/07/2019 वार गुरुवार रोजी आर. सी. पटेल मराठी प्राथमिक

शाळा शिरपूर या शाळेत शालेय स्पर्धा पूर्वतयारी अंतर्गत मम्मीजी क्रीडा स्पर्धेमध्ये

समाविष्ट असणाऱ्या विविध वैयक्तिक व सांघिक क्रीडाप्रकारांतील स्पर्धक

विद्यार्थ्यांची निवड करण्यात आली. इयत्ता पहिली दुसरी यांचा लहान गट व इयत्ता

तिसरी चौथी यांचा मोठा गट याप्रमाणे गटनिहाय स्पर्धा घेण्यात आल्या.

यात 100 मीटर धावणे, 50 मीटर लंगडी, दोरी उडी, बॅडमिंटन, कॅरम, बुद्धिबळ,

खो-खो, कबड्डी, रस्सीखेच, लिंबू चमचा शर्यत, गोणपाट शर्यत, तीन पायांची शर्यत,

बादलीत चेंडू टाकने या स्पर्धांचा समावेश होता. क्रीडा स्पर्धेसाठी विद्यार्थ्यांची

निवड करून त्यांच्यातील क्रीडा कौशल्य अधिक चांगल्या प्रकारे कसे विकसित

होतील या दृष्टीने या प्राथमिक निवड फेरीचे आयोजन शाळेकडून करण्यात आले

होते. विद्यार्थ्यांची निवड करण्यासाठी वर्ग शिक्षकांनी मेहनत घेतली. यावेळी

“खेळ ही जीवनाची संजीवनी आहे” , अभ्यासाबरोबर खेळांना सुद्धा खूप

महत्त्वाचे स्थान आहे, खेळामुळे शरीर निरोगी बनते असा संदेश मुख्याध्यापकांनी

विद्यार्थ्यांना दिला.

क्षेत्रभेट - पोस्टऑफिस

क्षेत्रभेट - पोस्टऑफिस 

आर. सी. पटेल मराठी प्राथमिक शाळा शिरपूर या शाळेत आज दिनांक 24/07/2019  वार बुधवार रोजी क्षेत्रभेटीचे आयोजन करण्यात आले. इयत्ता चौथी मधील सुमारे दोनशे विद्यार्थ्यांना शिरपूर शहरातील मार्केट यार्ड जवळील पोस्ट ऑफिस च्या मुख्य शाखेत नेण्यात आले. पोस्टाचे दैनंदिन कामकाज कशा प्रकारे चालते याचा प्रत्यक्ष अनुभव विद्यार्थ्यांना झाला पाहिजे यासाठी या क्षेत्रभेटीचे आयोजन करण्यात आले होते. यावेळी शाळेतील शिक्षकांनी पोस्टात चालणाऱ्या विविध कामांची ओळख विद्यार्थ्यांना करून दिली. पोस्टात पत्रव्यवहार कसा होतो, मनीऑर्डर कशी पाठवली जाते, पत्र व पाकिटांचे वितरण कसे केले जाते, साहित्याची देवघेव करणे, आधार कार्ड काढणे, आधार कार्ड मधील माहितीत बदल करणे इत्यादी पोस्टातील विविध कामांची माहिती विद्यार्थ्यांना देण्यात आली. यावेळी काही विद्यार्थ्यांनी

‘मी पोस्टात का आलो होतो?’

याबाबतचा आपला अनुभव कथन केला. ही क्षेत्रभेट यशस्वी होण्यासाठी पोस्ट ऑफिसमधील कर्मचारी व अधिकारी वर्ग यांचे विशेष सहकार्य लाभले.

पालक शिक्षक सहविचार सभा

पालक शिक्षक सहविचार सभा 

पालक व शिक्षक सहविचार सभा आज दिनांक १८/०७/२०१९ वार गुरुवार रोजी

आर. सी. पटेल मराठी प्राथमिक शाळा शिरपूर या शाळेत ‘पालक व शिक्षक

सहविचार सभेचे’ आयोजन करण्यात आले. यावेळी सुमारे दोनशे पालक

उपस्थित होते.  सहविचार सभेला पालकांचा चांगलाच सकारात्मक प्रतिसाद

मिळाला. शाळेतील वर्ग शिक्षकांनी पालकांना वर्गात राबवित असलेल्या

उपक्रमाबाबत माहिती सांगून वेगवेगळ्या विषयांवर मार्गदर्शन केले. तसेच

पालकांच्या अडीअडचणी समजून घेतल्या. प्रमुख पाहुणे व मुख्याध्यापक यांचेही

मार्गदर्शन मोलाचे होते. पालक शिक्षक सहविचार सभेमध्ये खालील मुद्द्यांवर चर्चा

करण्यात आली.

1) विद्यार्थ्यांची शालेय डायरी दररोज तपासणी करणे.

2) अभ्यास झाल्यानंतरच डायरीवर पालकांनी सही करणे.

3) विद्यार्थ्यांकडून मोठ्याने (प्रकट) वाचन करून घेणे.

4) शालेय वेळापत्रकानुसारच विद्यार्थ्यांच्या दप्तरात वह्या पाठविणे.

5) विद्यार्थ्यांच्या डब्यात बाहेरील खाद्यपदार्थ पाठवू नयेत. (उदा. चिवडा, कुरकुरे,

चिप्स) भाजी पोळीला प्राधान्य द्यावे.

6) पालकांना विद्यार्थ्यांच्या अभ्यासबाबत काही अडचणी असतील तर फोन करू

न किंवा व्हाट्सअप ग्रुप च्या माध्यमातून शिक्षकांशी संपर्क करून त्या दूर

कराव्यात.

8) शाळेत शिक्षकांच्या भेटीचा वार शनिवार राहील.

7) विद्यार्थ्यांना घरी दिलेल्या ऍक्टिव्हिटी त्यांच्याकडून करून घेऊन फोटो किंवा

व्हिडिओ ग्रुपला टाकावेत.

8) विद्यार्थ्यांचा शालेय गणवेश स्वच्छ राहील याची काळजी घ्यावी.

9) शालेय शिस्तीबाबत सर्वांनी जागरूकता बाळगावी. (शालेय वेळ, बूट, मोजे,

बेल्ट, ओळखपत्र, मुलींच्या डोक्यावरील बेल्ट इ.)

10) वेळोवेळी दिलेल्या ऑनलाइन टेस्ट विद्यार्थ्यांकडून सोडवून घ्याव्यात.

11) विद्यार्थ्यांशी बोलताना सकारात्मक भाषेचा वापर करावा.

‘आषाढी एकादशी वृक्ष दिंडी व ग्रंथ दिंडी ’’

‘आषाढी एकादशी वृक्ष दिंडी व ग्रंथ दिंडी ’’

शिरपूर येथील आर. सी. पटेल मराठी प्राथमिक शाळा, शिरपर येथे आषाढी एकादशी निमित्त वृक्ष दिंडी व ग्रंथ दिंडीचे आयोजन करण्यात आले. कार्यक्रम प्रसंगी व्यवस्थापन समिती अध्यक्ष संजय वरसाळे, माजी नगरसेवक दिलीप बोरसे, शालेय परिवहन समिती सदस्य दत्तू माळी विद्यालयाचे मुख्याध्यापक सी. डी. पाटील आदी उपस्थित होते. शुभांगी बाविस्कर यांनी आषाढी एकादशी बाबत विद्यार्थ्यांना मार्गदर्शन केले. विद्यालयातील इयत्ता चौथी वर्गाचे वर्गशिक्षक संदीप चौधरी, गजेंद्र जाधव, जगदीश धनगर, गोपाल न्हावी यांनी चौथी वर्गातील विद्यार्थ्यांचा 'वृक्षमित्र' गृप तयार करून "जागा तुमची रोपटे आमचे" या अभिनव उपक्रमाला सुरुवात केली. आदर्शनगर,सुभाष कॉलनी परिसरात कॉलनीतील नागरिकांच्या उपस्थितीत वृक्षारोपण करण्यात आले व वृक्ष संवर्धनाची जबाबदारी घरमालकाला देण्यात आली. नागरिकांनी आपल्या घरासमोर लिंब, गुलमोहर, सप्तपर्णी आदी वनस्पतींचे वृक्षारोपण करण्यात येत असल्याने विद्यार्थ्यांचे कौतुक केले. आषाढी एकादशी निमित्ताने बालवाडी ते चौथी वर्गातील विद्यार्थ्यांनी वारकरी वेशभूषा धारण करून वृक्ष दिंडी व ग्रंथ दिंडीच्या माध्यमातून वृक्ष लागवड व संवर्धन करणे आदी बाबतीत बॅनर व जयघोषाने परिसर दणाणून गेला. कार्यक्रमाचे सूत्रसंचालन संदीप चौधरी यांनी केले. आभार जगदीश धनगर यांनी मानले. कार्यक्रम यशस्वीतेसाठी संगिता चव्हाण, अर्चना जोशी, शुभांगी बाविस्कर, व्ही. डी. तांबोळी तसेच शिक्षकेतर कर्मचारी संदीप पाटील, सागर पवार,सतिष पाटील यांनी परिश्रम घेतले.

आंतरराष्ट्रीय योग दिवस

आंतरराष्ट्रीय योग दिवस 

आर. सी. पटेल फार्मसी कॉलेज, शिरपूर करवंद नाका याठिकाणी आंतरराष्ट्रीय योग दिवस साजरा करण्यात आला. इयत्ता चौथी मधील सर्व विद्यार्थी यावेळी उपस्थित होते. योग गुरूंनी विद्यार्थ्यांकडून वेगवेगळ्या प्रकारची आसने व त्यांचे प्रात्यक्षिक करून घेतले. विद्यार्थ्यांमध्ये योगा विषयी सकारात्मक दृष्टिकोन निर्माण व्हावा यासाठी त्यांना प्रेरित करण्यात आले. आर. सी. पटेल फार्मसी कॉलेजच्या प्रशस्त मैदानात हा कार्यक्रम पार पाडण्यासाठी शाळेतील सर्व शिक्षक व शिक्षकेतर कर्मचारी यांनी परिश्रम घेतले.

शाळा शुभारंभ

शाळा शुभारंभ

          शिरपूर येथील आर.सी.पटेल मराठी प्राथमिक शाळा, शिरपर शाखेत शाळा शुभारंभ दिनी विविध कार्यक्रमांचे आयोजन करण्यात आले. कार्यक्रम प्रसंगी संचालक कमलकिशोर भंडारी, शिक्षण विस्तार अधिकारी जी.पी.कुमावत,नगरसेविका संगीताताई देवरे, छायाताई ईशी,आशाताई बागुल,मुख्यकार्यकारी अधिकारी डॉ. उमेश शर्मा, व्यवस्थापन समिती अध्यक्ष संजय वरसाळे,माजी नगरसेवक दिलीप बोरसे,पालक प्रतिनिधी टी. एन.जाधव, मानसिंग राजपूत, उज्ज्वला गिरासे, मुख्याध्यापक गणेश साळुंके,विद्यालयाचे मुख्याध्यापक सी.डी. पाटील आदी उपस्थित होते. 

शाळा शुभारंभ प्रसंगी नवागतांचे सनई चौघडे वाजवून मिरवणूक काढण्यात आली. इयत्ता चौथी वर्गातील विद्यार्थ्यांनी नवागत बालकांचे औक्षण करून स्वागत केले. बालचिमुरड्यांना आवडणारे मिकी माऊस ही गोड जोडी स्वागतासाठी शाळेच्या प्रवेशद्वारावरच सकाळी पावणेसात वाजता सज्ज होती. शाळेच्या पहिल्या दिवशी एवढी मजा पाहून नवागत बालके अगदी आंनदाने हुरळून गेली. 

औपचारिक कार्यक्रमात पहिली ते सातवीच्या विद्यार्थ्यांना मोफत पाठयपुस्तकांचे वितरण करण्यात आले. उपस्थित प्रमुख पाहुण्यांच्या हस्ते वृक्षारोपण करण्यात आले.  बालवाडी चार वर्गांचे स्वतंत्र चार झाडे लावण्यात आली. वृक्ष संवर्धनाची जबाबदारी सदर वर्गातील विद्यार्थी व शिक्षकांना देण्यात आली. विद्यार्थ्यांना कालानुरूप शिक्षण पध्दतीत बदल व्हावा या दृष्टीने डिजिटल वर्गांचे द्घाटन पाहुण्यांच्या हस्ते करण्यात आले. शाळेच्या पहिल्या दिवशी पालकांसह विद्यार्थी उपस्थिती लक्षणीय होती. कार्यक्रमाचे सूत्रसंचालन महेंद्र माळी यांनी केले. आभार गजेंद्र जाधव यांनी मानले. कार्यक्रम यशस्वीतेसाठी शिक्षक व शिक्षकेतर कर्मचाऱ्यांनी परिश्रम घेतले.